सोमबार पनि घट्यो सेयरबजार, लघुवित्तका सेयरधनीले धेरै गुमाए

काठमाडौँ । सेयरबजार साताको दोस्रो कारोबार दिन पनि घटेको छ।

परिसूचक नेप्से २४.६८ अंकले घट्दा १९५१.२१ विन्दुमा झरेको छ। योसँगै आज २५६ कम्पनीको ३३ लाख कित्ता सेयर बिक्री भएका छन्।

नेपाल स्टक एक्सचेन्जका अनुसार २६ हजार ८ सय ५० पटक भएको खरिदबिक्रीपछि १ अर्ब १६ करोडको कारोबार भएको हो।

आज लघुवित्तका सेयरधनीले धेरै गुमाएका छन्। यसमा खप्तड लघुवित्त, आदर्श लघुवित्त, हिमालयन बैंक, नाडेप लघुवित्त र वीन नेपाल लघुवित्तका सेयरधनीले धेरै दरमा गुमाएका हुन्।

कमाइमा भने आज पनि शुभम् पावरका सेयरधनीले ९.९८ प्रतिशत गरे पनि अन्य लगानीकर्ताले न्यून दरमा आर्जन गरेका छन्। आज १८७ कम्पनीका सेयरधनीले गुमाउँदा २४ कम्पनीका लगानीकर्ताले कमाएका छन्। ५ वटा कम्पनीको भने उही मूल्यमा कारोबार भएको छ।

सर्वाधिक कारोबार भने एनआईसी एसियाको भएको छ। उसको ६ करोड २४ लाखको सेयर कारोबार भएको हो।