सार्वजनिक निकायका निर्माण कार्य राति ८ बजेपछि मात्र गर्न कामपाकाे निर्देशन

काठमाडौं । काठमाडौं महानगरपालिकाले सार्वजनिक निकायको निर्माण एवम् मर्मतको काम राति ८ बजेपछि मात्र गर्न निर्देशन दिएको छ।

महानगरपालिकाले सोमबार सार्वजनिक सूचना जारी गर्दै कामपाभित्र हुने सार्वजनिक तथा निजी पूर्वाधार निर्माण एवम् मर्मत कार्यलाई व्यवस्थित गरी सडकमा आवतजावत सहज गराउन र निर्माण कार्य सकभर राति ८ बजे पछिमात्र गर्न निर्देशन दिएको हो ।

महानगरले भवन निर्माणका क्रममा सडकमा धुलो, निर्माण सामग्रीका टुक्रासमेत नखस्ने प्रबन्ध मिलाउन भनेको छ।

यदि सूचनामा उल्लिखित कार्य नभए ऐन बमोजिम जरिवाना गर्ने चेतावनीसमेत महानगरले दिएको छ।