कोरोना सङ्क्रमित १०४ जना थपिए, एक जनाको मृत्यु

काठमाडौं । कोरोना सङ्क्रमित एक जनाको मृत्यु भएको छ । स्वास्थ्य तथा जनसङ्ख्या मन्त्रालयका सहप्रवक्ता डा. समीर अधिकारीका अनुसार आज एक जना कोरोना सङ्क्रमितको मृत्यु भएको हो ।

आज १०४ नयाँ सङ्क्रमित थपिएका हुन् । ५७१ पिसीआर तथा एक हजार ६१ एन्टिजेन परीक्षण गरी जम्मा १ हजार ६३२ नमूना परीक्षणमा १०४ जनामा सङ्क्रमण पुष्टि भएको हो ।

काठमाडौँ उपत्यकामा अहिले कोरोना सङ्क्रमित ३४ आइसोलेशन, सात जना आइसीयु र तीन जना भेन्टिलेटरमा रहेका छन् । सक्रिय सङ्क्रमितको सङ्ख्या तीन सय ७९ रहेका छन् ।