सुनको मूल्य २ सयले बढ्यो, चाँदी तोलामा ५ रुपैयाँले घट्यो

काठमाडौं । सुनको मूल्य आज दोस्रो दिन पनि बढेको छ । बुधबार सुनको मूल्य दुई सय रुपैयाँले बढेको हो ।

नेपाल सुनचाँदी व्यवसायी महासंघका अनुसार छापावाला सुन प्रतितोला एक लाख ९ हजार ७ सय रुपैयाँ र तेजाबी सुन एक लाख ९ हजार २०० रुपैयाँमा कारोबार भैरहेको छ ।

मंगलबार सुन प्रतिताला ४ सय रुपैयाँले बढेर एक लाख ९ हजार पाँच सय रुपैयाँ र तेजाबी सुन एक लाख ९ हजार रुपैयाँ कारोबार भएको थियो ।

यसदिन चाँदीको मूल्य भने ५ रुपैयाले घटेको छ । बुधबार चाँदीको मूल्य प्रतितोला एक हजार ४१५ रुपैयाँमा खरिद बिक्री भएको छ । मंगलबार चाँदी एक हजार ४२० रुपैयाँमा किनबेच भएको थियो ।