सुनको मूल्यमा आज सामान्य वृद्धि

काठमाडौं । नेपाल सुनचाँदी व्यवसायी महासंघले सोमबारको लागी सुनको मुल्य निर्धारण गरेको छ । आज नेपाली बजारमा सुनको मूल्यमा सामान्य वृद्धि भएको छ । हिजो सुनको मूल्य प्रतितोला एक लाख १० हजार दुई सय रुपैयाँमा कारोबार भएकोमा आज दुई सय रुपैयाँले बढेको हो ।

महासंघका अनुसार आज छापावाल सुनको मूल्य तोलामा एक लाख १० हजार ४ सय रुपैयाँ रहेको छ भने तेजावी सुनको मूल्य प्रतितोला एक लाख ९ हजार ८५० रुपैयाँ रहेको छ ।

त्यस्तै, आज चाँदीको मूल्य पनि बढेको छ । हिजो चाँदीको मूल्य प्रतितोला एक हजार तीन सय ५० रुपैयाँमा कारोबार भएकोमा आज बढेर प्रतितोला एक हजार तीन सय ६५ रुपैयाँ मूल्य कायम भएको महासंघले जनाएको छ ।