म्याजिक भ्यान र मोटरसाइकल ठोक्किदा एकको मृत्यु एक घाईते

अन्जनराज न्यौपाने , तनहुँ,माघ १२- पृथ्वी राजमार्ग सडक खण्ड स्थित तनहुँको आबुखैरेनी गाउपालिका १ सत्रसयमा म्याजिक भ्यान र मोटरसाइकल ठोक्किदाँ एको मृत्यु भएको छ ।

आबुखैरेनी बाट सत्रसय तर्फजादैं गरेको ना१ज ५८४७ न को म्याजिक भेन फर्काउने क्रममा सोही दिशातर्फ जादै गरेको ग१७प६३४८न को मोटरसाईकल एक आपसमा ठोक्किदा एक जनाको मृत्‍यु भएको हो । मृत्‍यु हुनेमा तनहुँ स्थित बन्दिपुर गाउपालिका( छापका बासिन्दा मोटरसाईकल सवार बर्ष १८ का आषिश आले रहेका छन् ।

साथै, मोटरसाईकल चालक सोहि स्थान बस्ने वर्ष २१ का चन्द्र थापा घाइते भएका छन् । घटना लगत्तै उनलाई उपचारर्थ स्थानिय छिम्केश्ररी अस्पताल पुर्याइएको थियो भने सामान्य उपचार पश्चात थप उपचार को लागि भरतपुर पठाईएको छ । घाईते थापाको अवस्था मध्यम रहेको जिल्ला ट्राफिक प्रहरी कार्यालय तनहुँले जनाएको छ।