हिरासतमै थुनुवाको मृत्यु भएपछि धनुषामा प्रहरीले गोली चलायो

धनुषा । प्रहरी हिरासतमा रहेका एकजना थुनुवाको मृत्यु भएको छ ।

हंशपुर नगरपालिकास्थित इलाका प्रहरी कार्यालयको हिरासतभित्र रहेका थुनुवा दीपनारायण मण्डलको गएराति मृत्यु भएको प्रहरीले जनाएको छ ।

मण्डलको मृत्यु भएपछि उनका परिवार, आफन्त तथा स्थानीय बासिन्दा आक्रोशित भएर प्रहरी कार्यालयमा ढुंगामुढा समेत गरेका छन् । उनीहरुले प्रहरीको मोटरसाइकलमा आगजनी गरेका छन् ।

भिडलाई नियन्त्रणमा लिन प्रहरीले गोली चलाउँदा गोली लागेर शंकर मण्डल घाइते भएको बताइएको छ । उनको हातमा गोली लागेको छ ।

घाइते मण्डलको प्रादेशिक अस्पतालमा उपचार भइरहेको छ ।