आईएमई लाइफद्वारा क्रिकेट खेलाडीलाई २५ लाख रुपैयाँबराबरको म्यादी जीवन बीमा प्रदान गर्ने

काठमाडौं । आईएमई लाइफ इन्स्योरेन्सले नेपाली क्रिकेट खेलाडीहरूलाई २५ लाख रुपैयाँबराबरको म्यादी जीवन बीमा प्रदान गर्ने घोषणा गरेको छ ।

कम्पनीले नेपाल टी–२० विश्वकपमा छनोट हुन सफल भएको सुखद अवसरमा सम्पूर्ण टी–२० नेपाली क्रिकेट टोलीलाई सो बीमाङ्कबराबरको आईएमई सुरक्षा म्यादी जीवन बीमा प्रदान गर्ने घोषणा गरेको हो ।

युएई विरुद्ध उत्कृष्ठ प्रदर्शन गरि फाइनलमा प्रवेश गरेका नेपाली क्रिकेट टोली आगामी खेलमा ओमानसँग खेल्ने छ । राष्ट्रिय क्रिकेट टोलीलाई टी–२० विश्वकपको यात्रामा समर्थन गर्न पाउँदा उत्साहित रहेको आई.एम.ई. लाइफ इन्स्योरेन्स कं. लिमिटेडले जनाएको छ ।

साथै, इन्स्योरेन्स कम्पनीले नेपाली क्रिकेट टोलीलाई ‘‘टी–२० विश्वकप फाइनल एशिया’’ को फाइनल खेलका लागि हार्दिक शुभकामना व्यक्त गर्दै आगामी दिनहरुमा समेत नेपाली खेलकुद जगतलाई समर्थन तथा प्रोहत्साहन गर्न विभिन्न कार्यक्रमहरु ल्याउने प्रतिवद्धता जनाएको छ ।