त्रिभुवन अन्तर्राष्ट्रिय विमानस्थल सुरक्षा प्रमुख चन्दले दिए अकस्मात राजीनामा, हेडक्वार्टरलाई छैन जानकारी

काठमाडौं । त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख तथा प्रहरी नायब महानिरीक्षक अर्जुन चन्दले पदबाट राजीनामा दिएका छन् ।

व्यक्तिगत कारणले आफूले राजीनामा दिएको प्रहरी नायब महानिरीक्षक चन्दले जानकारी दिएका छन् । ‘मैले मेरो व्यक्तिगत कारणले शुक्रबार राजीनामा दिएको छु, बाँकी अहिले म केही भन्दिनँ,’ उनले भने ।

चन्दको उमेर हदको सेवाअवधि आगामी २०८१ चैत मसान्तसम्म रहेको थियो । सुरक्षा प्रमुखले एकाएक राजीनामा दिएपछि अहिले निकै चासोको विषय बनेको छ ।

डीआईजी चन्दले राजीनामा दिएको विषयमा प्रहरी प्रधान कार्यालयमा भने कुनै औपचारिक जानकारी नभएको बताइएको छ ।