प्रधानमन्त्री प्रचण्ड भेटन बालुवाटार पुगे ओली, रविसहित नेता

काठमाडौं । नेकपा एमालेका अध्यक्ष केपी ओली, रास्वपाका सभापति रवि लामिछाने लगायतका नेताहरू प्रधानमन्त्री पुष्पकमल दाहाल प्रचण्डसँग भेट गर्न बालुवाटार पुगेका छन् ।

ओली, लामिछानेसहितका नेताहरुलाई प्रधानमन्त्री प्रचण्डले छुट्टाछुट्टै भेट गरेका छन् । सत्ता गठबन्धन भित्र समस्या देखिएपछि राजनीतिक दलका नेताहरु दौडधुपमा लागेका छन् ।

आज नै नेपाली कांग्रेसका सभापति शेरबहादुर देउवाले पार्टीबाट सरकारमा सहभागी भएका मन्त्रीलाई छलफलका लागि बोलाएका छन् ।

सभापति देउवाले सबै मन्त्रीलाई आफ्नो निवास बूढानीलकण्ठमा बोलाएका हुन् । पुष्पकमल दाहाल प्रचण्ड नेतृत्वको सरकारमा कांग्रेसबाट १० जना मन्त्री छन् ।