जसपाले प्रधानमन्त्रीलाई विश्वासको मत दिने

काठमाडौं । जनता समाजवादी पार्टी (जसपा) नेपालले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिने निर्णय गरेको छ ।

पार्टीको संसदीय दलको बैठकले उक्त निर्णय गरेको पार्टीका प्रवक्ता मनिसकुमार सुमनले बताए ।

प्रतिनिधिसभामा प्रधानमन्त्री प्रचण्डले लिने विश्वासको मतको पक्षमा मतदान गर्न ह्विप जारी गर्ने निर्णय गरेको उनले बताए ।