सेगवेको नयाँ वर्ष विशेष अफरः नगददेखि लक्जरी स्टेसम्म छुट

काठमाडौं । सेगवे–नाइनबोटकोे नेपालका लागि आधिकारिक वितरक आईहब प्रा.लि.ले नयाँ वर्षलाई लक्षित गर्दै विशेष अफर ‘न्यु एयर न्यु अफर २०८१’ ल्याएको छ । कम्पनीले ‘न्यु एयर न्यु अफर २०८१’ अफर यही चैत्र १९ देखि वेशाख १८ गते सम्म लागु हुने जानकारी दिएको हो ।

उक्त अफरमा खरिद गरिने सेगवेका विभिन्न मोडलहरूमा विशेष नगद छुटको साथै क्लब हिमालय नगरकोटमा एक रातको बसाई जित्ने मौका पाउने छन् । इेलेक्ट्रिक स्कुटरको नेपाली बजारमा सेगवेका इ–स्कुटरहरु लोकप्रिय हुनुका साथै उपभोक्ताहरूको रोजाइमा परिरहेका छन् ।

शहरी देखि साहसिक यात्राका लागि ग्राहकहरु सेगवे इ–स्कुटरहरुमा आकर्षित हुनुका साथै तिनका नवीन विशेषताहरूका कारण दैनिक जीवनको एक आवश्यक अंश बन्न सफल भएका छन् ।

नयाँ वर्षको विशेष अफरमा ग्राहकहरूले चयन गर्ने सेगवे इ–स्कुटरका मोडेलहरूमा आकर्षक नगद छुटहरू प्राप्त गर्न सक्नेछन् । यस्तै, विशेष गरी, ई–१२५ र ई–११०एल मा २५ हजार रुपैयाँ, ई–१०० मा २० हजार रुपैयाँसम्मको र एन–१०० मा १५ हजारसम्म विशेष नगद छुट प्राप्त गर्न सक्नेछन् ।

यसका साथै थप, सेगवले ग्राहकहरूलाई प्रतिष्ठित क्लब हिमालय नगरकोटमा १–रात २–दिनको बसाइ र स्कूटरका एक्सेसरीजहरू जित्ने मौका पाउने कम्पनीले बताएको छ ।
उक्त अफर उपत्यका भित्रका राइजिङ मल, दरबारमार्ग, झम्सीखेल, ललितपुर र सल्लाघारी–भक्तपुर लगायत उपत्यका बाहिरका पोखरा, बुटवल, चितवन, हेटौंडा, धनगढी, इटहरी र लहानमा शोरुममा गई यो योजनाको फाइदा लिन सक्ने कम्पनीले जानकारी दिएको छ ।