केपी ओलीले खोले संसद विघटन गर्नुको कारण, अब एमालेलाई घाटा हुन्छ कि नाफा ?

काठमाडौं । नेकपा एमालेका अध्यक्ष केपी शर्मा ओलीले पार्टीलाई समाप्त हुन नदिन आफूले संसद विघटन गर्नुपरेको बताएका छन् ।

अध्यक्ष ओलीले आफूले तत्कालीन अवस्थामा प्रतिनिधि सभा विघटन नगरेको भए अहिले एमाले भन्न पाउने अवस्था पनि नरहने स्थिति रहेको समेत बताए ।

पार्टीका काठमाडौं जिल्ला कमिटीले शनिवार आयोजना गरेको कार्यक्रममा उनले पार्टी भित्रैबाट आफू नेतृत्वको सरकार ढाल्न पार्टी भित्रैबाट विपक्षलाई प्रधानमन्त्री बनाउन कुद्ने काम भएपछि प्रतिनिधि सभा विघटन गरेर एमालेलाई बचाउने काम गरेको दाबी गरे ।

दक्षिणपन्थी शक्तिहरुको पाउमा सरकार बुझाए जसरी नै आज एमाले पनि अरुलाई बुझाईसकेको अवस्थामा हुने ओलीको भनाई थियो । उनले आफूले तत्कालीन परिस्थितिमा पार्टीलाई बचाउन प्रतिनिधि सभा विघटन गरेको भएपनि कतिपय पार्टी भित्रकै मान्छेले कुरा नबुझेको गुनासो पनि गरे ।

अध्यक्ष ओलीले हरेक क्षेत्रमा आफूले सरकारको नेतृत्व लिएर राम्रो काम गरेपनि तत्कालीन सरकारलाई पार्टी भित्रैबाट दक्षिणपन्थीहरुको पाउमा बुझाउने काम गरेको जिकीर पनि गरे ।

उनले भने, ‘कतिपय मान्छेहरुले कहिल्यै पनि कुरा नबुझ्ने प्रवृत्ति देख्दाखेरी म छक्क पर्छु । पुस ५ गते अरु सबै ठिकै थियो । पुस छ गते संसद चाहीँ भंग नगरेको भए हुन्थ्यो । संसद भंग किन गर्नुप¥यो ?  त्यो हाम्रो रहर थियो रु सबभन्दा प्रमुख पार्टी हामी भएका थियौं । अर्को पार्टीलाई पनि मिलाएर बहुमत पु¥याएका थियौं । झन्डै दुई तिहाईको स्थिति हामीले बनाएका थियौ ।

पार्टी भित्रैबाट बाहिरी शक्तिहरुले हामीलाई केही गर्न सक्नेवाला थिएन । पार्टी भित्रैबाट हुँडालो मच्चाएर बुुरुकबुरुक उफ्रिएको छ । बैठक बैठक जस्तो हुँदैन । चलाई सक्नुछैन । विकास, निर्माणको काम भएको छ । अरु काम भएको छ । पुनःर्निर्माणको काम भएको छ । सबै कामहरु भएको छ । तर देख्दैन । भईँचालोले भत्काएका साँढे ८ लाख घर बनाएको छ । पुनर्निर्माणका अनेक कामहरु भएका छन् । देख्दैन । अनेक नयाँ राजमार्ग बनेका छन । देख्दैन । हजारौं पुल बनेका छन, देख्दैन ।

तुईन बिस्थापन भएको छ, देख्दैन । हवाई मैदानहरु बनेका छन्, देख्दैन । राति पनि उडने गरी सुविधा बिस्तार भएको छ । त्यो पनि देख्दैन । फोरजी सेवा देशभर बिस्तार भएको छ, त्यो पनि देख्दैन । हरेक क्षेत्रका विकासको गति आएको छ, त्यो पनि देख्दैन । सडक मानवरहित सडक बनाएको छ । बालबालिकालाई खातेबाट अभिभावकत्व दिएको छ । त्यो देख्दैन । ज्येष्ठ नागरिकहरुको भत्ता बढाएको छ, त्यो देख्दैन । आज पनि उफ्रिएको छ, भोली पनि उफ्रिएको छ । कसरी सरकार ढाल्ने भनेको छ । अनि दौडिएर विपक्षलाई प्रधानमन्त्री बनाउन कुदेको छ । अदालतमा गएको छ । अनि फेरी कुरा ठूलो ग¥या छ । त्यतिबेला प्रतिनिधि सभा विघटन नगरेको भए आज नेकपा ९एमाले० भन्न पाउदैन थियौं हामीले । यो अन्तै लगेर बुझाई सकेको हुन्थ्यो ।

दक्षिणपन्थी शक्तिहरुको पाउमा जसरी सरकार बुझाईयो, एमाले पनि बुझाई सक्या हुन्थ्यो । अनि तपाईहरुले देख्नु भएन रु नवौ महाधिवेशनबाट निर्वाचित भएको अध्यक्ष, जसले पार्टीलाई प्रमुख हैसियतमा मात्रै होइन, मजुबुत हैसियतमा पु¥याएको छ । सबभन्दा ठूलो पार्टी बनाएको छ । जसले देशभरका पार्टीलाई मिलाएर झन्डै दुई तिहाईको मजबुत शक्ति बनाएको छ । उसैलाई साधारण सदस्यबाट समेत निकालेको देख्नु भएन ?’

अध्यक्ष ओलीले पार्टीले मिनि–२०८४ लाई सफल बनाउने लक्ष्य लिएको र त्यसलाई सार्थक बनाउनका लागि पार्टीका नेता, कार्यकर्तालाई एकतावद्ध भएर अघि बढन पनि सचेत गराए ।