सडक विभागका इन्जिनीयर खतिवडाको ‘प्रेम कहानी’को भिडिओ सार्वजनिक (भिडिओसहित)

काठमाडौं । कविता, गीत तथा गजल लेखनमा सक्रिय रहेका ईन्जिनियर प्रमोद खतिवडाको रचनामा ‘प्रेम कहानी’ बोलको म्यूजिक भिडिओ सार्वजनिक भएको छ ।

नेपाल सरकारको निजामती सेवा अन्तर्गत सडक विभागमा कार्यरत रहेका इन्जिनीयर खतिवडाले प्रेम वियोगलाई समेटेर ‘प्रेम कहानी’ बोलको आफ्नो रचनाको पाँचौं गीतको भिडिओ सार्वजनिक गरेका हुन् ।

चर्चित गायक तथा सफल संगीतकार सबिन लिम्बुको स्वर तथा संगीत रहेको यो गीत एकोस्टिक नेपालको स्टुडियोमा रेकर्ड गरिएको हो । उक्त गीतको शब्दमा माया, प्रेमको तिर्सना, छटपटी र प्रेम वियोगलाई समेटिको छ ।

एफोरए ईन्टरटेनमेन्ट युटुभ च्यानलबाट हालै भिडिओ सार्वजनिक गरिएको उक्त म्यूजिक भिडिओको निर्देशन तथा सम्पादन युवाराज खत्रीले गरेका हुन भने छायाँकन सुजन श्रेष्ठले गरेका छन् ।

उक्त म्यूजिक भिडिओमा कलाकार मुक्ति उप्रेती र सीया क्षेत्रीको उत्कृष्ट अभिनय रहेको छ । सो म्यूनिक भिडिओलाई बजारमा ल्याउन महत्वपूर्ण भूमिका आयुब केसीको रहेको गीतकार ई. खतिवडाले उल्लेख गरे । आफ्नो अन्य गीतहरुको तुलनामा ‘प्रेम कहानी’को म्यूजिक भिडिओ उत्कृष्ट बनेको गीतकार ई. खतिवडाले बताए । आफ्नो रचनाहरुमध्ये उत्कृष्ट लागेको यो गीत सर्वाधिक रुचाइने दावी समेत गीतकार ई. खतिवडाको छ ।

स्मरण रहोस्, उत्कृष्ट कविता, गीत तथा गजल लेखनमा क्रियाशील गीतकार ई. खतिवडा हालै भएको निजामती कर्मचारी संगठनको गजल प्रतियोगितामा समेत दोस्रो भएका थिए ।

हेर्नुहोस् भिडिओ–