तीजकै दिन सुनको मूल्यले बनायो नयाँ कीर्तिमान, तोलामा १३०० ले बढ्दा कतिमा हुँदैछ कारोबार ?

काठमाडौं । स्थानीय बजारमा आज सुनको मूल्यले नयाँ कीर्तिमान कायम गरेको छ ।

हिन्दु नारीहरुको महत्त्वपूर्ण पर्व हरितालिका तीजको रमझम चलिरहेको बेला सुनको मूल्यले नयाँ कीर्तिमान कायम गरेको हो ।

नेपाल सुनचाँदी व्यवसायी महासङ्घका अनुसार, सुनको मूल्य प्रति तोला रू. एक हजार तीन सयले वृद्धि भएको छ ।

बिहीबार प्रतितोला रू. एक लाख ५२ हजारमा कारोबार भएको छापावाला सुनको मूल्य आजका लागि रू. एक लाख ५३ हजार तीन सय निर्धारण भएको छ ।

चाँदीको मूल्य तोलामा रू. ३० ले वृद्धि भएको छ । विहीबार तोलामा रू. एक हजार सात सय ६५ मा कारोबार भएको चाँदीको मूल्य आजका लागि भने रू. एक हजार सात सय ९५ निर्धारण भएको छ ।