सोमबार मुस्लिम धर्मावलम्बीका लागि सार्वजनिक बिदा

काठमाडौं । सरकारले सोमबार मुस्लिम धर्मावलम्बीहरुका लागि सार्वजनिक बिदा दिएको छ ।

आज गृह मन्त्रालयले सोमबार सार्वजनिक दिने जनाएको छ ।

‘मिति २०८०-१०-२९ गतेको नेपाल राजपत्रमा प्रकाशित सूचना अनुसार जयन्ती (मोहम्मद दिवस) का दिन नेपाली मुस्लिम धर्मावलम्बीहरूका लागि सार्वजनिक बिदा दिने व्यवस्था भएको सन्दर्भमा मुस्लिम आयोगबाट मोहम्मद जयन्ती (मोहम्मद दिवस) मिति २०८१-५-३१ गते सोमबार पर्ने भएको भनी जानकारी प्राप्त भएको हुँदा मिति २०८१-५-३१ गते नेपाली मुस्लिम धर्मावलम्बीहरूका लागि मात्र सार्वजनिक बिदा दिने निर्णय भएको ब्यहोरा सम्बन्धित सबैको जानकारीको लागि यो सूचना प्रकाशित गरिएको छ’ सूचनामा उल्लेख छ ।