काठमाडौंबाट गोरखा जाँदै गरेको भ्यान धादिङमा दुर्घटना, ११ जना घाइते

मलेखु (धादिङ) । काठमाडौँबाट गोरखाको मनकामनातर्फ जाँदै गरेको भ्यान धादिङमा दुर्घटना हुँदा चालकसहित ११ जना घाइते भएका छन् ।

पारिवारिक भ्रमणमा निस्कएका यात्रु बोकेको बागमती प्रदेश ०१-०३०-च ७६५९ नम्बरको विद्युतीय भ्यान धादिङको थाक्रे गाउँपालिका-६ स्थित १० किलो भन्ने ठाउँमा दुर्घटनामा परेको हो ।

जिल्ला ट्राफिक प्रहरी कार्यालय गजुरीका प्रहरी निरीक्षक सूरज श्रेष्ठका अनुसार घाइतेमध्ये दुई जनाको अवस्था गम्भीर छ ।

घाइते सबैको महादेवबेँसी अस्पतालमा उपचार भइरहेको छ । उनीहरू एउटै परिवारको रहेको बताइएको छ । दुर्घटनाको कारण तथा यात्रुको ठेगाना खुल्न नसकेको प्रहरीले जनाएको छ ।