रवि लामिछानेलाई थप १० दिन हिरासतमा राख्न अदालतकाे अनुमति

काठमाडौं । सहकारी ठगी र संगठित अपराधको अभियोगमा पक्राउ परेका पूर्वगृहमन्त्री एवं राष्ट्रिय स्वतन्त्र पार्टी (रास्वपा) का सभापति रवि लामिछानेलाई थप १० दिन हिरासतमा राख्न अदालतले अनुमति दिएको छ ।

कात्तिक २ गते पक्राउ गरी पोखरा लगिएका लामिछानेलाई यसअघिको म्याद तिहारअघि नै सकिएपछि पुनः म्याद थपका लागि आज कास्की जिल्ला अदालतमा उपस्थित गराइएको थियो ।

कार्तिक १५ गतेदेखि गणना हुने गरी अदालतले प्रहरीलाई अनुसन्धान गर्न थप समय दिएको हो । मंगलबारसहित लामिछानेविरूद्ध तेस्रो पटक म्याद थप गरिएको छ । यसअघि सुरूमा ६ दिन र त्यसपछि ७ दिन म्याद थपिएको थियो ।