गायिका समीक्षा अधिकारीले गरिन् भरतपुरकी मेयर रेनुको प्रशंसा

काठमाडौं । गायिका समीक्षा अधिकारीले चितवनको भरतपुर महानगरपालिकाकी मेयर रेनु दाहालको प्रशंसा गरेकी छन् ।

बिहीबार सामाजिक सञ्जाल फेसबुकमा मेयर रेनुसँगको भेटको तस्बिर राखेर स्ट्याटस लेख्दै समीक्षाले रेनुको काम र व्यक्तित्वको तारिफ गरेकी हुन् ।

उनले लेखेकी छन्, ‘उहाँको कामको चर्चा धेरै सुनेकी थिएँ । आज उहाँकै निवासमा सविनय भेट गर्ने अवसर जुर्‍यो । उहाँ यत्तिकै सफल हुनुभएको होइन रहेछ । पूर्वप्रधानमन्त्रीको छोरी, भरतपुरजस्तो महानगरपालिकाको प्रमुख भइकन पनि थोरै पनि घमण्ड नभएको, अत्यन्तै आत्मीय र मिलनसार । आफ्नै अभिभावकलाई भेटेजस्तै महसुस भयो । उहाँसँगै भरतपुर पनि घुमियो । आहा ! कति सुन्दर बनाउनुभएको छ ! एउटी महिलाले पनि सबैको मन जित्ने गरी काम गर्नुभएको आदरणीय दिदी रेनु दाहाललाई धेरैधेरै माया छ ।’