आपा ह्यान्डिक्राफ्टकी सञ्चालिका अम्बिका केसीलाई ‘एक्सिलेन्स इन सोसल सर्भिस’ अवार्ड (भिडिओ)

काठमाडौं । काठमाडौंको बालाजुमा अवस्थित आपा ह्यान्डिक्राफ्टकी सञ्चालिका अम्बिका केसीले ‘एक्सिलेन्स इन सोसल सर्भिस’ अवार्ड प्राप्त गर्नुभएको छ ।

कर्पोरेट म्यागजिनले आयोजना गरेको कर्पोरेट बिजनेश अवार्डअन्तर्गत उहाँले वुमन लिडरसिपतर्फ ‘एक्सिलेन्स इन सोसल सर्भिस’ अवार्ड पाउनुभएको हो ।

उहाँलाई रक्षामन्त्री मानवीर राई, नेपाल उद्योग वाणिज्य महासंघकी भुतपूर्व अध्यक्ष भवानी राणा, कर्पोरेट मिडियाकी उपाध्यक्ष सुष्मा महरालगायतले संयुक्तरुपमा सो अवार्ड प्रदान गर्नुभयो ।

अम्बिका केसी र आपा ह्यान्डिक्राफ्टबारे

वि.स. २०३३ साल वैशाख १० गते सिन्धुपाल्चोकको पीपलडाँडामा माता शिवकुमारी केसी र पिता ललितबहादुर केसीका सन्तानको रूपमा जन्मनुभएकी अम्बिका केसी पेसाले फेशन डिजाइनर तथा ट्रेनर हुनुहुन्छ । उहाँ काठमाडौंको बालाजुस्थित आपा ह्यान्डिक्राफ्टकी सञ्चालिका हुनुहुन्छ ।

महिलाहरूललाई हस्तकलाका सामग्री उत्पादन गर्ने सिप सिकाई उनीहरूले गरेका उत्पादनको मूल्य दिएर त्यसलाई बजारीकरण गर्दै आउनुएभकी उहाँले व्यवसाय र समाजसेवालाई एकसाथ अगाडि बढाइरहनुभएको छ ।

२० वर्षदेखि सामाजिक क्षेत्रमा क्रियाशील रहनुभएकी उहाँले कारागारमा रहेका महिला बन्दी, बाल सुधारगृहमा रहेका १८ वर्षभन्दा कम उमेरका किशोरीहरूका साथै एकल महिलाहरूलाई पनि हस्तकलासम्बन्धी प्रशिक्षण दिँदै उनीहरूको आत्मनिर्भरता तथा सशक्तीकरणमा उल्लेखनीय भूमिका निर्वाह गर्दैै आउनुभएको छ ।

विभिन्न सामाजिक संघसंस्था तथा क्लबहरूमा आबद्ध रहनुभएकी केसीको महिलालक्षित साना तथा मझौला व्यवसायको प्रवद्र्धनमा ठूलो देन छ । हाल उहाँले करिब २६० जना महिलाहरूलाई हस्तकलासम्बन्धी उत्पादनमा जोडेर उहाँहरूको अर्थोपार्जनमा मद्दत गरिरहनुभएको छ ।