एभेन्टोज नेपालका डेभिल सिंह राजपुतलाई ‘कर्पोरेट एक्सिलेन्स अन आईटी सर्भिस’ अवार्ड (भिडिओ)

काठमाडौं । इभेन्ट कम्पनीहरूका लागि एउटा भरपर्दो र विश्वासिलो नाम एभेन्टोज नेपालका संस्थापक तथा निर्देशक डेभिल सिंह राजपुतले ‘कर्पोरेट एक्सिलेन्स इन आईटी सर्भिस’ अवार्ड प्राप्त गर्नुभएको छ ।

कर्पोरेट म्यागजिनले उहाँलाई सो अवार्ड प्रदान गरेको हो ।

बिहीबार र्‍याडिसन होटेलमा आयोजित १७औँ संस्करणको ‘कर्पोरेट बिजनेश अवार्ड’ समारोहमा कम्पनीलाई ‘कर्पोरेट एक्सिलेन्स अन आईटी सर्भिस’ अवार्ड प्रदान गरिएको कर्पोरेट म्यागजिनका संस्थापक सम्पादक उज्वलजंग शाहले जानकारी दिनुभयो ।

कार्यक्रमका प्रमुख अतिथि रक्षामन्त्री मानवीर राई, अवार्ड छनोट समिति संयोजक तथा नेपाल उद्योग वाणिज्य महासंघ (एफएनसीसीआई) की पूर्व अध्यक्ष भवानी राणा, कर्पोरेट मिडियाकी उपाध्यक्ष सुष्मा महरालगायतले उहाँलाई अवार्ड प्रदान गर्नुभएको थियो ।

डेभिल सिंह राजपुत र एभेन्टोज नेपालबारे

उद्यमशीलताको संसारमा विश्वास र नवीनताको सफलता हासिल गर्ने व्यक्ति हुनुहुन्छ डेभिल सिंह राजपुत । एभेन्टोज नेपाल र ग्लोबल अनलाइन–पेका संस्थापक तथा निर्देशक रहनुभएका उहाँले नेपालको इभेन्ट उद्योगलाई नयाँ उचाइमा पुर्‍याउन महत्वपूर्ण योगदान गर्नुभएको छ । एभेन्टोज नेपालमार्फत इभेन्ट कम्पनीहरूलाई एकै स्थानबाट सम्पूर्ण सेवा दिने विश्वासिलो प्लेटफर्मका रूपमा विकास गर्नुभएको छ ।

इभेन्ट कम्पनीहरूका लागि एक भरपर्दो र विश्वासिलो साझेदारका रूपमा एभेन्टोज नेपाल अगाडि आएको छ । जहाँबाट भोटिङ प्लेटफर्मदेखि इभेन्ट व्यवस्थापनसम्म सबै सेवा पाउन सकिन्छ । यसबाट इभेन्ट आयोजना गर्ने प्रक्रिया सहज बनेको छ भने ग्राहकहरूमा विश्वासको भावना जागृत गराएको छ । यसका लागि निर्देशक राजपुत स्वयम् इभेन्ट सेवाहरूको गुणस्तरमा निकै ध्यान दिने गर्नुहुन्छ ।

स्थानीय सांस्कृतिक कार्यक्रमदेखि अन्तर्राष्ट्रिय प्रतियोगितासम्म, उहाँको टोली उत्कृष्ट सेवा प्रदान गर्न लागि परिरहेको छ । ग्राहकहरूको आवश्यकता बुझेर उपयुक्त समाधान उपलब्ध गराउने एभेन्टोज नेपालको क्षमताले नै यसलाई नेपालको अग्रणी कम्पनीको परिचय दिएको छ । जसले योजना बनाउनदेखि कार्यान्वयनसम्म, भोटिङ्ग प्लेटफर्म, इभेन्ट मार्केटिङ, व्यवस्थापन, प्रविधिगत सहयोग जस्ता सेवा प्रदान गर्दै आएको छ ।

‘नेपालमै बसेर मेहनत गर, अनि चिन्नेछ विश्वले तिम्रो प्रतिभा’ नाराका साथ अघि बढिरहनुभएका डेभिल सिंह राजपुतको यात्रा केवल व्यावसायिक सफलतामा मात्रै सीमित छैन, उहाँका कार्यहरूले नेपालका युवाहरूलाई उद्यमशीलताको बाटोमा हिँड्न प्रेरित पनि गरिरहेको छ । विश्वास नै सफल व्यवसायको मुख्य आधार भएकाले विश्वास निर्माण, नवीनता प्रवद्र्धन र युवा सशक्तीकरणमा उहाँको जोड छ । डेभिल सिंहको साहस, लगनशीलता र उत्कृष्टताबाट सही दृष्टिकोणका साथ मेहनत गर्ने हो भने हरेक कुरा सम्भव छ भन्ने सन्देश दिएको छ ।

इभेन्ट उद्योगमा पुर्‍याउनुभएको योगदानका लागि उहाँले ‘युवा उद्यमी पुरस्कार’लगायत थुप्रै सम्मान र पुरस्कारहरू प्राप्त भएको छ ।

हेर्नहोस् भिडिओ–