बिहीबार, असार १२, २०८२
कर्पोरट खबर
4:23 pm, बुधबार, असार ११, २०८२
काठमाडौं । गृहमन्त्री रमेश लेखकले नेपाल प्रहरी सम्बन्धी कानूनलाई संशोधन गर्न बनेको विधेयक असार महिनाभित्रै प्रतिनिधि सभा पेश गर्ने वातावरण बनाइदिन आग्रह गरेका छन् ।
बुधबार सिंहदरबारमा बसेको राज्य व्यवस्था तथा सुशासन समितिको बैठकमा बोल्दै गृहमन्त्री लेखकले सम्भव भए नेपाल प्रहरीसम्बन्धी कानूनलाई संशोधन गर्न बनेको विधेयक पनि असार महिनाभित्रै समितिबाट पारित गरेर सदनमा पेश गर्ने वातावरण बनाइदिन आग्रह गरेका हुन् ।
‘समितिमा आजबाट नेपाल प्रहरीसम्बन्धी कानुनलाई संशोधन गर्न बनेको विधेयक माथि सैद्धान्तिक छलफल प्रारम्भ गरेका छौं,’ उनले भने, ‘२०७० सालपछि प्रहरी कानुन बनाउँदैछौँ । यो मेरो र गृहमन्त्रालयको प्राथमिकताको विषय हो । विधेयक टुङ्गो लगाउन जति समय छलफलका लागि भन्नुहुन्छ हामी तयार छौँ ।’
उनले सशस्त्र प्रहरी बलको विधयेक पनि महत्वपूर्ण नै रहेको बताउँदै सो विधयेक पनि टुङ्गो लगाउन समिति समक्ष आग्रह गरेका छन् । ‘गृहअन्तर्गतका अरु पनि विधयेकहरु पाइपलाइनमा छन्,’ मन्त्री लेखकले भने, ‘यी विषयहरुमा समितिका माननीयहरुले दिनुभएको प्राथमिकताका लागि धन्यवाद दिन चाहन्छु ।’
FACEBOOK COMMENTS