यामाहाले मनायो ग्लोबल लेगेसीको ७०औं वार्षिकोत्सव

काठमाडौं । यामाहा नेपालले गौरवका साथ यामाहा ग्लोबलको ७०औं वार्षिकोत्सव मनाएको छ । हरेक वर्ष जुलाई १ मा विश्वभर मनाइने ‘यामाहा डे’ को अवसरमा यस वर्ष विशेष महत्त्वको ‘ब्रिजिङ ओल्ड एण्ड न्यू, थ्रू कान्डो एक्शन्स’ भन्ने ग्लोबल थिमसहित यामाहाको इनोभेशन, प्यासन र उत्कृष्टताको सात दशक लामो यात्रालाई स्मरण गरिएको हो ।

नेपालमा पनि यामाहाले विभिन्न कार्यक्रमहरूमार्फत यो अवसरलाई अर्थपूर्ण बनाएको छ । एमएडब्ल्यूू फाउण्डेशनको नेतृत्वमा यामाहा ब्ल्यू स्क्वायर नक्साल शोरूममा आयोजना गरिएको रक्तदान कार्यक्रम, दिगोपनको प्रतिबद्धताअनुरूप फ्याक्ट्री परिसर (एमएडब्ल्यूू अटो) मा गरिएको वृक्षरोपण अभियान र काठमाडौंको निःसहाय सेवा सदन, शान्तिनगर वृद्धाश्रममा गरिएको अर्थपूर्ण सामुदायिक सेवासम्बन्धी गतिविधिसँगै समापन गरिएको मौलिक यामाह ब्ल्ूस्ट्रिक्स राइडआउट जस्ता कार्यक्रमहरूले ब्राण्डको ‘समाजलाई योगदान गर्ने’ दर्शनलाई जीवन्त बनाएका छन् ।

त्यस्तै, देशभरका यामाहा शोरूमहरूमा केक काट्ने कार्यक्रमहरू आयोजना गरिए, जसले ग्राहक, साझेदार र कर्मचारीहरूलाई एकै ठाउँमा जोड्ने काम गर्‍यो । साथै, टेकस्पाएर कलेजमा स्नातक तहका विद्यार्थीहरूलाई लक्षितगरी सडक सुरक्षा तालिमपनि प्रदान गरिएको थियो ।

यस विशेष अवसरमा एमएडब्ल्यूू ग्रुपका अध्यक्ष विष्णुकुमार अग्रवालले भने, ‘आज हाम्रो लागि साँच्चै गौरवको दिन हो । ७० वर्षको यो यात्रामा विगत ४० वर्षदेखि हामी यामाहासँगको साझेदारीमा छौं, जुन हाम्रो लागि पनि गर्वको विषय हो । यामाहाले युवाहरूलाई प्रेरणा दिने इनोभेटिभ, स्टाइलिश र पर्फर्मेन्समा उत्कृष्ट सवारीहरू ल्याइरहँदा यो साझेदारी अझ धेरै वर्षसम्म अघि बढिरहनेमा हामी विश्वस्त छौं । यामाहाले स्टाइल र पर्फर्मेन्स दुवैमा अब्बल उत्पादनमार्फत आजका युवाहरूको मनमा गहिरो छाप छोडेको छ । यामाहाका यी गुणहरू नेपाली ग्राहकहरूको चाहनासँग प्रत्यक्ष मेल खान्छन्, किनकि यहाँका उपभोक्ताहरू स्टाइलसँगै विश्वसनीयतालाई पनि उत्तिकै महत्त्व दिन्छन् । यामाहासँगको हाम्रो दशकौं पुरानो सम्बन्ध सधैं नेपाली बजारमा इनोभेशन, जोश र गुणस्तरीय राइड एक्सपिरियन्स ल्याउने साझा उद्देश्यमा आधारित रहँदै आएको छ । यामाहा हाम्रो लागि केवल एउटा ब्राण्ड होइन, यो त हाम्रो मनमा बसेको छ, हाम्रो पहिचानमै मिसिएको छ । यसले हाम्रो जीवन बदलिदिएको छ । यामाहा त हाम्रो नशामा बगिरहेको छ । हो, हाम्रोरगत नै निलो बग्छ ।’

यामाहा दैनिक यात्रादेखि रेसिङ हुँदै एड्भेन्चर खोज्नेहरूसम्मका लागि डिजाइन गरिएका विविध र शक्तिशाली उत्पादनहरूको लागि परिचित रहँदै आएको छ । नेपालकै उच्च माइलेज दिने स्कुटर एआरएआई प्रमाणित ७१.३३ किलोमिटर प्रतिलिटर माइलेज भएको यामाहा रे जेडआर१२५ एफआई हाइब्रिडदेखि लिएरस्पोर्टी र स्टाइलिश यामाहा आर१५ भी४ सम्म यामाहाले सधैं उत्कृष्टताको नयाँ मापदण्ड स्थापित गर्दै आएको छ । सडकमा दमदार उपस्थिति चाहनेहरूका लागि एमटी–१५ भी२ र एफजेड भी३ सिरिज आकर्षणका केन्द्र बनेका छन् भने एरोक्स १५५ एक स्पोर्टी डिजाइन भएको परफर्मेन्स स्कुटरका रूपमा अगाडि आएको छ । अफ–रोड यात्राका लागि डब्ल्यूआर१५५आर भरपर्दो विकल्पको रूपमा स्थापित भएको छ । यामाहाका सम्पूर्ण मेशिनहरू उन्नत जापानी प्रविधिबाट निर्माण गरिएका छन्, जसले सुरक्षा, दक्षता र रोमाञ्चक राइडिङ अनुभव प्रदान गर्छन् ।

एमएडब्ल्यू राइड्सको नेतृत्वमा सञ्चालन भइरहेको यामाहा नेपाल आज नेपालकै सबैभन्दा भरपर्दो र प्रतिष्ठित दुईपाङ्ग्रे ब्राण्ड बनेको छ । अत्याधुनिक जापानी प्रविधि, भरपर्दो पर्फर्मेन्स र उत्कृष्ट आफ्टर सेल्स सर्भिसको संयोजनमार्फत यामाहाले सधैं पर्फर्मेन्स, स्टाइल र ग्राहक सन्तुष्टिको मापदण्ड तय गर्दै आएको छ । ब्राण्डले दक्ष जनशक्ति उत्पादन र ग्राहकको सम्पूर्ण अनुभवलाई अझ प्रिमियम बनाउने प्रतिबद्धतासहित नेपालको प्रत्येक कुनामा आफ्नो उपस्थिति बलियो बनाउँदै लगिरहेको छ ।