आइतबार, मंसिर १४, २०८२
कर्पोरट खबर
1:38 pm, आइतबार, कात्तिक १६, २०८२
काठमाडौं । सुरक्षा घेरा तोडेर ’कांग्रेस सुधार अभियान (अन्डर–४०)’ले नेपाली कांग्रेसको पार्टी मुख्यालयको गेटसम्म पुगेर प्रदर्शन गरेको छ ।
योसँगै उनीहरूले पार्टी कार्यालयको गेटमा तालाबन्दी पनि गरेका छन् । पार्टी कार्यालय प्रवेश गर्ने मुखैमा प्रहरीको सुरक्षा घेरा तोडेर अभियान सम्बद्ध समूह पार्टी कार्यालयको गेटसम्म पुगेको हो ।
उनीहरूले नियमित महाधिवेशन र युवाको प्रतिनिधित्व सुनिश्चित गरिनुपर्ने मागसहित प्रदर्शन गरेका छन् । पार्टी कार्यालयको प्रांगणमा जान गेट बन्द गरिएसँगै उनीहरूले बाहिरै बसेर नाराबाजी गरे ।
उनीहरूले ’नियमित महाधिवेशन गर्न नसके, वर्तमान केन्द्रीय समिति विघटन गरियोस् !, आम कांग्रेसजन र युवाहरूको भावनालाई नजरअन्दाज नगरियोस् !’लगायत नारा लगाएका छन् ।
FACEBOOK COMMENTS