सफाइका लागि ५ वटा नयाँ जेट मेसिन सञ्चालनमा

काठमाण्डौँ — काठमाडौं महानगरपालिकामा शनिबारबाट ५ वटा जेट मेसिन सञ्चालनमा आएको छ ।

१३० हर्सपावर क्षमता र युरो मापदण्ड ४ बमोजिमका जेट मेसिन ५ हजार लिटर क्षमताका रहेको महानगरपाालिकाले जनाएको छ ।

५ हजारमध्ये ४ हजार लिटर सफा पानी र १ हजार लिटर ढलको फोहोर पानी अट्ने छुट्टाछुट्टै ट्यांकी छन् ।

यो जेट प्रयोगमा आइसकेपछि थुनिएको ढल खोल्दा एउटा जेट फोहोर तान्न र अर्को जेट सफा गर्न जानु पर्दैन ।

मेसिनमा रहेको हाइ प्रेसर पम्प र १२० मिटरको जेटिङ पाइप भएकाले ढल खोल्ने काम छिटो गर्न सकिने महानगर पालिकाले जनाएको छ ।

जेटमा भएको स्प्रे गनले विरुवामा भएको धुलो पखाल्न तथा सडक आसपास क्षेत्रमा सफा गर्न सकिनेछ ।

महानगरको वातावरण व्यवस्थापन विभागको अगुवाईमा विशेष सरसफाइ कार्यक्रम अन्र्तगत रत्नपार्क रानीपोखरी, बागबजार, पुतली सडक, भृकुटीमण्डप हुँदै बागबजारसम्मको क्षेत्रमा सफाइ गरिएको थियो ।