सिरियामा अमेरिकी सेनाले आफ्नै जासुसलाई गोली हानेपछि…

काठमाडौं । अमेरिकी सेनाले इस्लामिक स्टेट (आईएस) का एक कमाण्डरलाई पक्राउ गर्न सिरियामा छापा मार्दा आफ्नै जासुसलाई मारेको खुलेको छ ।

छापा मार्दा गल्तिले एक व्यक्तिको मृत्यु भयो, जो लामो समयदेखि गोप्य रूपमा आईएसविरुद्ध गुप्त जानकारी सङ्कलन गर्दै सरकारललाइ सहयोग गर्दै आएका थिए । घटना अक्टोबरमा भएको बताइएको छ । स्थानीय सिरियाली अधिकारीहरूसँगको सहकार्यमा छापा मारिएको थियो । यो घटनाले आईएसविरुद्धको लडाईमा अमेरिका र सिरियाको नयाँ अन्तरिम सरकार बीचको समन्वय जटिल रहेको संकेत गरेको छ ।

मृतकको परिवारका अनुसार खालिद अल-मसूद धेरै वर्षदेखि आईएसमा घुसपैठ गर्दै आएका थिए र अल-शारा नेतृत्वको विद्रोहीहरू, पछि अन्तरिम सरकारलाई यसको गतिविधिहरूको जानकारी प्रदान गर्दै आएका थिए । अल मसूद दक्षिणी सिरियाको मरुभूमि क्षेत्रमा आईएस गतिविधिहरूको निगरानी गरिरहेका थिए । विज्ञहरूले उनको मृत्यु आईएसविरुद्धको लडाईको लागि ठूलो धक्का भएको र अमेरिका र दमास्कस बीचको समन्वयको अभावको परिणाम भएको बताएका छन् ।

छापा मार अक्टोबर १९ को राति दामिर शहरमा भएको थियो । स्थानीयहरूका अनुसार अमेरिकी सेना र सिरियाली फ्री आर्मीका सैनिकहरूले अल मसूदको घरलाई घेरेका थिए । अल मसूदकी आमाले उनी सिरियाली गृह मन्त्रालयको सामान्य सुरक्षा विभागमा काम गर्ने बताइरहदा सैनिकहरूले ढोका फोडे, गोली हाने र घाइते अवस्थामा लगे । उनको शव पछि परिवारलाई हस्तान्तरण गरियो ।

परिवारले गलत सुचनामा छापा मारिएको र यो सुचना सम्भवतः सिरियन फ्री आर्मीका सदस्यहरूबाट सेनाले पाएको विश्वास गरेको छ । सिरियाली सुरक्षा अधिकारीहरूले अल मसूद अन्तरिम सरकारको सुरक्षा विभागमा काम गर्ने र आइएसविरुद्धको कारबाहीमा संलग्न रहेको पुष्टि गरेको छ । अमेरिकाले घटनामा आधिकारिक रूपमा टिप्पणी गरेको छैन, जसले दुवै पक्षले यो मुद्दालाई बढाउन चाहँदैनन् भन्ने संकेत गर्दछ ।

आइएसले पहिले इराक र सिरियाको ठूलो भाग नियन्त्रण गर्‍यो । तर अब अमेरिकी नेतृत्वको गठबन्धनले आफ्नो बाँकी अड्डाहरू हटाउन काम गरिरहेको छ । अमेरिकाको लगभग २५ सय आइएस लडाकुहरू अझै बाँकी रहेको अनुमान छ । अमेरिकी सेनाहरू कुर्दिश नेतृत्वको सेना र सिरियन फ्री आर्मीसँगै सिरियामा काम गरिरहेका छन् र नयाँ सिरियाली सरकारका सुरक्षा एजेन्सीहरू पनि अब सेनामा सामेल भइरहेका छन् ।

२०२० देखि, अमेरिकी नेतृत्वको कारबाहीमा ५२ जना नागरिकको मृत्यु वा घाइते भएका छन् । अल मसूदलाई पनि एक नागरिकको रूपमा रेकर्ड गरिएको थियो । विज्ञहरूले यस्ता गल्तीहरू प्रायः दोषपूर्ण गुप्तचर वा स्थानीय समूहहरू बीचको प्रतिद्वन्द्विताका कारण हुने गरेको बताएका छन् । त्यसैले जमिनमा को छ भनेर सही रूपमा पहिचान गर्न दमास्कससँग राम्रो समन्वयको आवश्यकता परिरहेको छ ।