बुधबार, माघ ७, २०८२
कर्पोरट खबर
8:45 am, बुधबार, माघ ७, २०८२
काठमाडौं । नेपाल इन्फ्रास्ट्रक्चर बैंक (निफ्रा) ले चालु आर्थिक वर्षको पुस मसान्तम्म ४० करोड ९९ लाख ४० हजार रुपैयाँ नाफा आर्जन गरेको छ ।
यो नाफा गत आर्थिक वर्षको सोही अवधिको तुलनामा ३६.१५ प्रतिशत थोरै हो । गत आवको सोही अवधिमा बैंकले ६४ करोड १९ लाख ८६ हजार रुपैयाँ नाफा आर्जन गरेको थियो । यो अवधिमा कम्पनीको खुद ब्याज आम्दानी र सञ्चालन नाफा घटेकोछ । जसमा असर नाफामा परेको छ ।
बैंकको खुद ब्याज आम्दानी २९.०९ प्रतिशतले घटेर ७४ करोड ७ ालख २० हजार रुपैयाँ रहेको छ । यस्तै खुद फि तथा कमिशन आम्दानी ४.५१ प्रतिशत बढेर १ करोड ५१ लाख ९१ हजार रुपैयाँ रहेको छ ।
बैंकको सञ्चालन नाफा ३६.०४ प्रतिशतले घटेर ५८ करोड ६५ लाख ९० हजार रुपैयाँ रहेको छ । यो अवधिमा बैंकको वितरणयोग्य नाफा ३३.३७ प्रतिशत घटेर ३४ करोड ७८ लाख ९२ हजार रुपैयाँ रहेको छ ।
बैंकको प्रतिसेयर आम्दानी २ रुपैयाँ १५ पैसाले घटेर ३ रुपैयाँ ८० पैसा रहेको छ भने प्रतिसेयर नेटवर्थ ११४ रुपैयाँ ७५ पैसा छ ।
२१ करोड ६० लाख रुपैयाँ चुक्ता पूँजी रहेको बैंकको जगेडा कोषमा ३ अर्ब १८ करोड ५७ लाख रुपैयाँ छ ।
पुस मसान्तसम्ममा बैंकले ८ अर्ब ११ करोड ६२ लाख रुपैयाँ निक्षेप संकलन गरेर २७ अर्ब ४१ करोड १६ लाख रुपैयाँ कर्जा लगानी गरेको छ ।
FACEBOOK COMMENTS