१ सय ६५ मध्ये १ सय ६ क्षेत्रमा नयाँ अनुहार उतारेका छौँ : कांग्रेस

चुनावमा प्रतिस्पर्धा पुरानै पार्टीसँग हुने जिकिर

काठमाडौं । नेपाली कांग्रेसले आगामी प्रतिनिधिसभा निर्वाचनका लागि देशभरका १ सय ६५ वटा निर्वाचन क्षेत्रमध्ये १ सय ६ वटामा नयाँ अनुहारलाई उम्मेदवार बनाएको जानकारी दिएको छ ।

पार्टी प्रवक्ता देवराज चालिसेका अनुसार यसपटक कांग्रेसले १ सय ६ जना नयाँ उम्मेदवारलाई चुनावी प्रतिस्पर्धामा अघि सारेको हो । प्रवक्ता चालिसेले बागी उम्मेदवारी दिएका व्यक्तिहरूलाई उम्मेदवारी फिर्ता लिन निर्देशन दिइसकिएको जानकारी दिँदै अधिकांश स्थानमा उम्मेदवारी फिर्ता भइसकेको बताए ।

’जहाँ–जहाँ बागी उम्मेदवारी परेको थियो, पार्टीले औपचारिक निर्देशन दिएको छ, धेरैजसो ठाउँमा फिर्ता समेत भइसकेको छ,’ उनले भने । उनका अनुसार कांग्रेसले सातै प्रदेश, जिल्ला, स्थानीय तहदेखि वडास्तरसम्म सम्पूर्ण संगठनलाई निर्वाचन केन्द्रित हुन स्पष्ट निर्देशन दिइसकेको छ ।

निर्वाचन आचारसंहिता पूर्ण रूपमा पालना गर्ने प्रतिबद्धता जनाउँदै चालिसेले पार्टीले आन्तरिक अनुशासन मजबुत बनाउन छुट्टै आन्तरिक आचारसंहितासमेत जारी गरेको बताए । कांग्रेसले यसपटक प्रचारप्रसारमा डिजिटल क्याम्पेनिङलाई प्राथमिकता दिने रणनीति बनाएको पनि उनले जानकारी दिए ।

Shorts

विदेशमा बस्ने नागरिकलाई पनि नागरिकता दिनुपर्छ

२३ गतेको घ*ट*नाले २४ गतेको अबस्था सिर्जना गरेको हो : रक्षा बम

हेलिकप्टरमा मुख्यमन्त्रीको वनभोज

देशलाई युक्रेन बनाउने ष*ड्य*न्त्र रचिदैछ: झलनाथ खनाल

निजी क्षेत्रका संरचना पुन: निर्माण भएमा फेरी ज*ल्दै*नन् भनेर सरकार ज्ञारेन्टी दिन्छ

जेन्जीले उठाएका माग जायज थिए

लगानीमैत्री नीति नहुँदा युवा विदेश पलायन भैइरहेका छन्

जेन्जी आ*न्दो*लनले पुराना दललाई पाठ सिकाएको छ

चितवन निलो क्रान्तिको उद्गम स्थल हो

ओलीको उखान टुक्कामा पीएचडी