बिहीबार, फाल्गुन ७, २०८२
कर्पोरट खबर
3:48 pm, बिहीबार, फाल्गुन ७, २०८२
सुर्खेत । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन)ले कर्णाली प्रदेशको प्राकृतिक, सांस्कृतिक र आर्थिक सम्भावनालाई स्थापित गरिने बताएका छन् । बिहीबार सुर्खेतमा आयोजित पार्टीको ‘परिवर्तन उद्घोषसभा’मा उनले यस्तो बताएका हुन् ।
उनले मुगुको रारातालको उदाहरण दिँदै कर्णालीको गहिराइ र सम्भावनालाई आफ्नो पार्टीले गहिरो रूपमा बुझेको बताए । “रारातालजत्तिकै गहिरो कर्णालीको भावना र सम्भावना छ, त्यो गहिराइलाई रास्वपाले मनदेखि बुझेको छ,” उनले भने ।
रास्वपाले कर्णालीका स्थानीय उत्पादनलाई देशभर चिनाउने, यहाँको सभ्यता र संस्कृतिको संरक्षण तथा प्रवद्र्धन गर्ने लक्ष्य लिएको उनले उल्लेख गरे ।
उनले कर्णालीको पीडालाई राजनीतिक रूपमा प्रयोग गर्ने प्रवृत्तिको आलोचना गरे । कर्णालीलाई साँचो अर्थमा बुझ्ने नेतृत्व आवश्यक रहेको उनले बताए ।
FACEBOOK COMMENTS