सोमबार, वैशाख २१, २०८३
कर्पोरट खबर
2:45 pm, सोमबार, वैशाख २१, २०८३
काठमाडौं । रौतहट जिल्ला अदालत गौरका डिठ्ठा लवकुमार सिंहविरुद्ध विशेष अदालत काठमाडौंमा मुद्दा दायर भएको छ ।
अदालतको फैसला बमोजिम दाखिला खारेज पुर्जी गरी जग्गा फुकुवा गराई दिएवापत सेवाग्राहीसँग घुस लिएको आरोपमा अख्तियार दुरुपयोग अनुसन्धान आयोगले सिंहविरुद्ध मुद्दा दायर गरेको हो ।
हेटौंडाबाट खटिएको आयोगको टोलीले सेवाग्राहीसँग ५० हजार रुपैयाँ घुस लिइसकेको अवस्थामा उनीलाई नियन्त्रणमा लिएर अनुसन्धान अघि बढाएको थियो ।
सिंहले रोक्का रहेको जग्गा फुकुवाका लागि सेवाग्राहीसँग घुस मागेको उजुरी परेको थियो ।
