सिन्धु पोल्ट्रीका कृष्णहरि अर्याललाई ‘कर्पोरेट एग्रो अन्टरप्रेनरसिप अवार्ड’

काठमाडौं । कर्पोरेट मिडिया ग्रुपले सिन्धु पोल्ट्री प्रालिका प्रबन्ध निर्देशक कृष्णहरि अर्याललाई ‘कर्पोरेट एग्रो अन्टरप्रेनरसिप एक्सिलेन्स अवार्ड’ प्रदान गरेको छ ।

१८औँ संस्करणको ‘कर्पोरेट बिजनेश समिट एण्ड अवार्ड, २०२६’ अन्तर्गत उनलाई सो अवार्ड प्रदान गरिएको हो । ईश्वर लाल प्रतिष्ठानको सहकार्यमा कर्पोरेट मिडिया ग्रुपले बिहीबार काठमाडौंस्थित होटेल र्‍याडिसनमा आयोजना गरेको विशेष समारोहमार्फत प्रतिनिधसभा राज्य व्यवस्था तथा सुशासन समितिका सभापति हरि ढकालले अर्याललाई सो अवार्ड प्रदान गरे ।

स्वच्छ तथा पोषणयुक्त उत्पादनमार्फत उपभोक्ता हित संरक्षण र पोल्ट्री उद्योगको विकासमा पुर्‍याएको विशिष्ट योगदानको कदरस्वरूप उनलाई सो अवार्ड प्रदान गरिएको कर्पोरेट मिडिया ग्रुपका अध्यक्ष उज्वल जंग शाहले जानकारी दिए ।

नेपालको कृषि तथा पोल्ट्री क्षेत्रका एक अग्रणी र सफल उद्यमी अर्याल सिन्धु पोल्ट्री प्रालिका प्रबन्ध निर्देशक हुन् । आधुनिक प्रविधिको प्रयोग र उच्च मापदण्डमार्फत कुखुरा पालन तथा अण्डा उत्पादन क्षेत्रलाई व्यवस्थित र प्रतिस्पर्धी बनाउन उनले महत्वपूर्ण भूमिका निर्वाह गरेका छन् । खाद्य सुरक्षाको सुनिश्चितता, रोजगारी सिर्जना र आत्मनिर्भर कृषि अर्थतन्त्र निर्माणमा उनको भूमिका प्रशंसनीय छ ।

कार्यक्रममा ‘कर्पोरेट एक्सिलेन्स’, ‘बैंकिङ, इन्स्योरेन्स एण्ड फाइनान्स’, ‘कर्पोरेट इन्डष्ट्री लिडरसिप’, ‘कर्पोरेट बिजनेश लिडरसिप’ र ‘लाइफटाइम एचिभमेन्ट’ सहित पाँचवटा विधामा कूल २९ वटा अवार्ड प्रदान गरिएको अध्यक्ष शाहले जानकारी दिए । नेपालको निजी क्षेत्र, बैंकिङ, बीमा, उद्योग, स्वास्थ्य, ऊर्जा तथा उद्यमशीलता क्षेत्रमा उल्लेखनीय योगदान पुर्‍याउने व्यक्ति तथा संस्थाहरूलाई सम्मान गर्ने उद्देश्यले विगत १८ वर्षदेखि ‘कर्पोरेट बिजनेश अवार्ड’ आयोजना गर्दै आएको उनको भनाइ छ ।

कार्यक्रममा अवार्ड वितरणसँगै देशको वर्तमान आर्थिक अवस्था, लगानीको वातावरण, निजी क्षेत्रले भोगिरहेका चुनौती तथा आर्थिक पुनरुत्थानका सम्भावनाबारे पनि छलफल गरिएको थियो । यस्तै, अर्थतन्त्रलाई चलायमान बनाउन निजी क्षेत्रको भूमिका, लगानी विस्तार, रोजगारी सिर्जना तथा आर्थिक सुधारका विषयमा समेत छलफल गरिएको थियो ।

कार्यक्रममा प्रतिनिधिसभाअन्तर्गत राज्य व्यवस्था तथा सुशासन समितिका सभापति हरि ढकाल, सङ्घीय सांसद, अर्थशास्त्री, उद्योगी–व्यवसायी तथा विभिन्न क्षेत्रका सरोकारवालाको सहभागिता रहेको थियो । साथै, देशभरका उद्योगी–व्यवसायी, बैंक तथा वित्तीय संस्था, बीमा कम्पनी, स्वास्थ्य संस्था, ऊर्जा क्षेत्र तथा अन्य व्यावसायिक क्षेत्रका प्रतिनिधिहरूको उल्लेख्य उपस्थिति रहेको थियो ।

यो पनि पढ्नुहोस्–