शुक्रबार, साउन २९, २०८३
कर्पोरट खबर
8:12 am, शुक्रबार, साउन २९, २०८३
धनगढी । बाजुराको त्रिवेणी नगरपालिका–९ ताम्सुमा अविरल वर्षापछि आएको पहिरोमा परी एक जना बेपत्ता भएका छन् भने दुई जना सामान्य घाइते भएका छन् ।
लगातार परेको वर्षाका कारण पहिरो खस्दा स्थानीय ३९ वर्षीय धर्म थापा र ४३ वर्षीय कर्णबहादुर थापाको घरमा क्षति पुगेको छ । पहिरोमा परी सोही घरपरिवारका दुई जना सामान्य घाइते भएका हुन् ।
पहिरोमा एक जना बेपत्ता भएपछि उनको खोजी तथा उद्धारका लागि नेपाल प्रहरीको टोली घटनास्थल पुगेको छ । प्रहरीले बेपत्ता व्यक्तिको खोजी तथा उद्धार कार्य जारी राखेको जनाएको छ ।
अविरल वर्षाका कारण थप पहिरोको जोखिम रहेकाले स्थानीयवासीलाई सतर्क रहन आग्रह गरिएको छ ।
