विद्युत सर्ट हुँदा हेटौंडाको साबुन उद्योगमा आगलागी

काठमाडौं, आश्विन १२ –मकवानपुर, हेटौंडाको औद्योगिक क्षेत्रभित्र रहेको एक उद्योगमा आगलागी भएको छ ।

आज विहान विद्युत आपूर्ति भईरहेको तार सर्ट हुँदा महाशक्ति सोप उद्योगमा आगलागी भएको हो । तार सर्टभई लागेको आगोले सो उद्योगको कार्टुन गोदाम नष्ट भएको छ ।

आगलागी भएपछि हेटौँडा उपमहानगरपालिकाको दमकल, औद्योगिक सुरक्षाका सशस्त्र प्रहरी, नेपाल प्रहरी र स्थानीयको सहयोगमा करिब १ घण्टामा आगो नियन्त्रणमा लिईएको इलाका प्रहरी कार्यालय, पशुपतिनगरले जनाएको छ ।

प्रहरीका अनुसार आगलागीबाट उद्योगको करिब ५० लाख रुपैयाँ बराबरको क्षति भएले जनाईएको छ ।