बाजुराको बाह्रविसमा विद्युत उत्पादन सुरु

काठमाण्डौँ – बाजुराको बाह्रविसमा एक सय किलोवाट क्षमताको इकडीगार्ड लघुजलविद्युत आयोजना दोस्रो सञ्चालनमा आएको छ।

बुढीगंगा नगरपालिका १० मा रहेको एक सय किलोवाट क्षमताको विद्युत आयोजनाको आइतबार एक कार्यक्रमकाबीच उद्घाटन गरिएको छ।

२०७५ साल बैशाख ११ गते निर्माण कार्य सम्पन्न भएको आयोजनाको पूर्व उद्योगमन्त्री कर्णबहादुर थापाले उद्घाटन गरेका हुन्।

उद्घाटनसँगै नियमति विद्युत सेवा समेत सुचारु गरिएको विद्युत निर्माण समितिका अध्यक्ष रामबहादुर बाँनीयाले बताए।

कुल ३ करोड ८६ लाख १२ हजार १ सय ४२ रुपैयाँ लागतमा आयोजनाको निर्माण गरिएको हो।

– नागरीक