निजगढ विमानस्थलको अध्ययन गर्न हेलिकप्टरबाट अवलोकन गर्ने

काठमाडौं – निर्माणाधिन निजगढ अन्तराष्ट्रिय विमानस्थलको अवरोधबारे अध्ययन गर्न गठित पूर्व प्रधानमन्त्री माधव कुमार नेपाल नेतृत्वको उप समितिले हेलिकप्टरबाट अवलोकन गर्न भएको छ ।

उप समितिका पाँच जना सदस्यहरुलाई लिएर पूर्व प्रधानमन्त्री नेपालले र पर्यटन मन्त्री रबिन्द्र अधिकारी, नागरिक उड्डयन प्राधिकरणका महानिर्देशक सञ्जिव गौतम र प्राबिधिक सम्मिलित १८ जनाको टोलीले हेलिकप्टरबाट अवलोकन गर्न लागेको हो ।

संसदिय टोलीले निजगढ विमानस्थलका लागि तोकिएको क्षेत्रको वन, वातावरण, वन्य जन्तु, मानव बस्ती, नदि कटान लगायतका बारेमा अवलोकन गर्नेछ ।

वातावरणीय प्रभाव मूल्यांकन राम्रो नभएको भन्दै वातावरण विदहरुले निजगढ विमानस्थलको विकल्प खोज्न दबाव दिईरहेका छन् । उनीहरुले हात्ति हिड्ने बाटो, भिमसालको पुरानो रुख रहेको लगायतका कारण देखाएर निजगढ विमानस्थलको बिरोध गरिरहेका छन् ।

पूर्व प्रधानमन्त्री नेपालले भने निजगढ विमानस्थलको विकल्प खोज्न नसकिने स्पष्ट पारिसकेका छन् ।