अद्धितीय व्यक्तित्व सुमित केडिया

काठमाडौं, मङ्सिर ११ – सुमित केडिया दुध तथा दुग्धजन्य पदार्थ उत्पादन गर्ने डेरी उद्योगमा संलग्न छन् । साढे दुई दशकदेखि दूध तथा दुग्धजन्य पदार्थ उत्पादन गर्ने एक प्रतिष्ठित औद्योगिक घराना केडिया समूहका निर्देशक हुन उनी । केडिया समुहले विगत २५ वर्षदेखि आफ्नो निजी लगानीमा सीताराम गोकुल मिल्क्स काठमाडौं प्रालि संचालन गर्दै आएको छ ।

केडिया उक्त कम्पनीमा समेत निर्देशक छन् । सीताराम गोकुल मिल्क्स काठमाडौ निजी लगानीमा सञ्चालित मुलुकका ठूला डेरी उद्योगमध्येमा पर्दछ । सुमित केडिया डेरी व्यवसायीहरूको छाता संगठन नेपाल डेरी एसोसिएसनको निवर्तमान अध्यक्ष पनि हुन् । डेरी उद्योगलाई सुदृढ तुल्याउदै देशलाई आत्मनिर्भर बनाउने सवालमा उनी दत्तचित्तका साथ लागिपर्दै आएका छन् । केडिया नेपाल उद्योग वाणिज्य महासंघका कार्यकारिणी सदस्य समेत हुन ।