कोरोना संक्रमणका कारण १७ दिनकी सुत्केरीको मृत्यु

काठमाडौं, मंसिर १२ – विराटनगरमा कोरोना भाइरस संक्रमित सुत्केरीको मृत्यु भएको छ । गए राति नोबेल शिक्षण अस्पतालमा उपचारका क्रममा मोरङको रतुवामाई नगरपालिका–१० की २५ वर्षीया सुत्केरीको मृत्यु भएको अस्पताल स्रोतले जानकारी दिएको छ ।

मृतक १७ दिनकी सुत्केरी हुन्। उपचारका क्रममा मृगौलामा खराबी पाइएको र मृतकमा निमोनियाको पुरानै समस्या भएको पाइएको छ ।

कोरोना संक्रमणका कारण अवस्था चिन्ताजनक बनेपछि सुत्केरीलाई मंसिर १० गते नोबेल शिक्षण अस्पताल भर्ना गरिएको थियो।

अस्पतालमा भर्ना गर्दा श्वासप्रश्वासको समस्या थियो भने बिरामी बोल्न नसक्ने अवस्थामा रहेकी थिइन् ।

बचाउने प्रयास असफल हुँदा उपचारका लागि भर्ना गरेको भोलिपल्टै सुत्केरीको ज्यान गएको हो ।