यूएईमा आजबाट कोरोनाको टीकाकरण शुरु

काठमाडौं, पुस ९ – कोरोना महामारीबाट लडिरहेको सारा विश्व कोरोनाविरुद्धको भ्याक्सिनको पर्खाइमा रहेको छ । केहि देशले भने भ्याक्सिनेशन प्रोग्राम शुरु गरिसकेका छन् ।

यसैबीच संयुक्त अरब इमिरेट्स (यूएई) मा कोरोना भ्याक्सिनेशन आजबाट शुरु हुनेछ । यूएईको दुबईमा बुधवारबाट टीकाकरण अभियानको शुरु हुनेछ ।

दुबईमा फाइजर बायोएनटेकको कोरोना भ्याक्सिनको प्रयोगको अनुमति दिइएको हो । त्यहाँ हालसम्म १ लाख ९७ हजार १२४ जनालाई कोरोना संक्रमण भइसकेको छ भने ६४५ जनाको मृत्यु भएको छ ।