कलङ्कीदेखि महाराजगञ्ज सडकको अध्ययन शुरु

ललितपुर – चक्रपथको कलङ्कीदेखि महाराजगञ्ज सडकको अध्ययन शुरु भएको छ।

यो सडकमा आवश्यक ‘अण्डर पास’ तथा आकाशे पुल आवश्यक पर्ने र त्यसका लागि कति लगानी चाहिनेजस्ता कुरा अध्ययनले टुङ्गो लगाउने सडक विभागका सहप्रवक्ता रमेशकुमार सिंहले बताए।

उनले भने, “मुख्य लेन र सहायक गरेर आठ लेनको हुने र दुवैतर्फ एकएक लेनको सर्भिस ट्र्याक हुनेछ।”

विभागको वैदेशिक महाशाखालले सडक निर्माणको विस्तृत अध्ययन गरिरहेको छ। सहप्रवक्ता सिंहले भने, “डिजाइन रिपोर्ट आएपछि कुन–कुन ठाउँमा कसरी काम गर्ने भन्ने योजना बन्नेछ।”