साउथ एसियालाई उत्पादनको हब बनाउनु पर्छ: चण्डिराज ढकाल

काठमाण्डौं – सार्क चेम्बरका उपाध्यक्ष तथा नेपाल उद्योग वाणिज्य महासंघका पूर्व अध्यक्ष चण्डिराज ढकाल १४ औं चाईना – साउथ एसियन काउन्सिलको बैठकमा भाग लिएका छन् ।

कार्यक्रममा सार्कराष्ट्रका चेम्बरहरु साथै चीनका सरकारी संस्था सिसिपिआईटी, आईसिसि लगाएत ठुलो विजनेस कम्युनिटीको उपस्थीत रहेको ढकालले बताएका छन् ।

बैठकमा औद्योगीकीकरणका समस्या र समाधानका विषयमा साथै साउथ एसियालाई उत्पादनको हब कसरी बनाउन सकिन्छ भन्ने विषयमा छलफल भएको जनाइएको छ ।

कार्यक्रम सम्बोधनमा सार्क चेम्बर उपाध्यक्ष ढकालले उत्पादित सामाग्रीको लागि सार्क राष्ट्र ठुलो मार्केट भएको बताए । उनले अहिले साउथ एसियामा चिनियाँ ठुलो मार्केट भएकाले चीनलाई लगानी गर्न आव्हान गरेको बताए ।

 

साथै बैठकमा नेपाल लगानीको लागि उपयुक्त रहेको बताए ।

चिनीयाँ लगानिकर्तालाई नेपालको जलविद्युत, पर्यटन लागएतका क्षेत्रमा लगानी गर्ने राम्रो वातावरण रहेको जानकारी गराएका थिए । नेपालमा युवा जनशक्ति धेरै भएकाले उद्योग स्थापना पश्चात कामदारको अभाव नरहेको विषयमा पनि जानकारी गराएको बताए ।

नेपाल सरकारले २०२० लाई पर्यटन वर्षको रुपमा मनाउन लागेको र यसमा चिनीयाँ पर्यटक उल्लेख्य आउने विश्वास गरेको बताए ।