अमेरिकाले नेपाललाई पठाएको स्वास्थ्य सामग्री काठमाडौं आइपुग्यो

काठमाडौं, जेठ ८ – कोरोना भाइरसविरुद्धको लडाईँमा साथ दिन अमेरिकाले उपलब्ध गराएको स्वास्थ्य सामग्री शनिबार काठमाडौं आइपुगेको छ । त्रिभुवन अन्तर्राष्ट्रिय विमानस्थलमा अमेरिकी सहयोग नियोग युएसएड र अमेरिकी दूतावासका प्रतिनिधिले स्वास्थ्य मन्त्रालयका प्रवक्ता जागेश्वर गौतमलाई उक्त सामग्री हस्तान्तरण गरेका छन् ।

अमेरिकी कार्गो बिमानले ती स्वास्थ्य सामग्री काठमाडौं ल्याएको हो । आज ल्याइएका सामग्रीमा सर्जिकल मास्क, फेस सिल्ड र ग्लोब्स संलग्न छन् । यसअघि १०० थान भेन्टिलेटर, परीक्षण किट्स, पीपीई, अक्सिजन उपकरण अमेरिकाले दिएको थियो ।

युएसएडले भोलि आइतबार १००० थान अक्सिजन सिलिन्डर प्रदान गर्ने तयारी गरेको छ । दुईदिनभित्र अमेरिकी कार्गो बिमानले थप सामग्री पनि ल्याउने बताइएको छ ।