सुनको मुल्य तोलामा ५ सय रुपैयाँले बढ्यो

काठमाडौं, ११ भदौ ।  नेपाली बजारमा सुनको मूल्यमा आज बढेको छ । सुनचाँदी व्यवसायी महासंघका अनुसार हिजो सुनको मूल्य प्रतितोला ९१ हजार एक सयमा कारोबार भएकोमा आज तोलामा पाँच सयले बढेको हो । बिहिबार सुनको मूल्य तोलामा दुई सयले घटेको थियो ।

महासंघका अनुसार आज छापावाल सुनको मूल्य प्रतितोला ९१ हजार ६ सय रहेको छ भने तेजावी सुनको मूल्य ९१ हजार एक सय रहेको छ ।

त्यस्तै, आज चाँदीको मूल्य भने घटेको छ । हिजो चाँदीको मूल्य १२१० मा कारोबार भएकोमा आज पनि घटेर तोलामा १२०० कायम गरिएको महासंघले जनाएको छ ।