जानकी कुँवरको तीज गीत ‘हे बरै…’ सार्वजनिक (भिडियोसहित)

काठमाडौं । मोडल तथा गायिका जानकी कुँवरको तीज गीत ‘हे बरै…’ को म्युजिक भिडियो सार्वजनिक भएको छ । हिन्दू नारीको महान चाड तीज नजिकिएसँगै उक्त म्युजिक भिडियो ‘हे बरै…’ प्रिन्सेस् फिल्मस्को युट्युब च्यानल मार्फत् सार्वजनिक भएको छ ।

गायिका कुँवरको स्वर रहेको उक्त गीतमा संगीत कर्ण सन्जेलको रहेको छ । यसको म्यूजिक भिडियोमा अहिलेको चर्चित मोडल जानकी कुँवर, भिम खडका, दान बहादुुर तामाङ, कमल श्रेष्ठको रहेको छ । सुशिल डाँगीले छायाँकन गरेको भिडियोको निर्देशन भने समिर थोकरले गरेका छन् ।

गीतमा चाडपर्वको समयमा माइत जान नपाएकी, श्रीमानले हेला गरेकी चेलीको पीडालाई समेटिएको छ ।