गाडी दुर्घटनामा गाउँपालिका उपाध्यक्षको मृत्यु

काठमाडौं । रूकुमपूर्वको पुथा उत्तरगंगा गाउँपालिकाकी उपाध्यक्ष भुपेन्द्रा बुढाको गाडी दुर्घटनामा परी मृत्यु भएको छ ।

बागलुङको गलकोट नगरपालिका-२, भुङ्खानीमा शुक्रबार बिहान भएको जीप दुर्घटनामा परेर उनीसहित तीन जनाको मृत्यु भएको हो ।

दुर्घटनामा उपाध्यक्ष बुढासहित दुई महिला र एक पुरूषको मृत्यु भएको हो । मृत्यु भएका दुई जनाको सनाखत हुन बाँकी छ ।

रा १ झ २०० नम्बरको सरकारी गाडी काठमाडौंदेखि रूकुमपूर्व जाँदै गरेको अवस्थामा बागलुङमा दुर्घटनामा परेको थियो ।

दुर्घटनामा परेर अर्की एक जना महिला घाइते भएकी छन् । घाइते महिलालाई उपचारका लागि अस्पताल पुर्‍याइएको छ ।