कर्पोरेट खबरका अध्यक्ष शाहलाई अटोमोबाइल्स एसोसिएशनको सम्मान

काठमाडौं । नेपाल अटोमोबाइल्स एसोसिएशनले कर्पोरेट खबर डटकम र कर्पोरेट बिजनेस म्यागजिनका अध्यक्ष तथा प्रधान सम्पादक उज्ज्वलजंग शाहलाई सम्मान गरेको छ ।

एसोसिएशनले शनिबार आफ्नो दसौं साधारण सभामा शाहलाई सम्मान गरेको हो ।

नेपाली खेलकुद, खेल पर्यटन तथा टूव्हील टुरिङ, ड्राइभ टुरिजम र सेफर मोबिलिटीको क्षेत्रमा पुर्‍याएको योगदानको कदरस्वरूप शाहलाई सम्मान गरिएको एसोसिएशनले जनाएको छ ।

शाहलाई भौतिक पूर्वाधार तथा यातायातमन्त्री देवेन्द्र दाहालले सम्मानपत्र हस्तान्तरण गरेका थिए ।