काठमाडौं । भारतमा कोरोनाको तेस्रो लहरमा दैनिक संक्रमितको संख्या घटेको देखिएपनि मृत्यु हुनेको संख्या भने बढेको छ ।
भारतीय स्वास्थ्य मन्त्रालयले दिएको जानकारी अनुसार पछिल्लो २४ घण्टामा १ लाख ७२ हजार ४३३ जनामा कोरोना संक्रमण पुष्टि भएको छ भने १००८ जनाको मृत्यु भएको छ । भारतमा दैनिक संक्रमित दर परिक्षण गरिएको संख्याको १०.९९ प्रतिशत रहेको छ ।
त्यस्तै भारतमा एकै दिन २ लाख ५९ हजार १०७ जना कोरोना संक्रमणबाट निको भएको मन्त्रालयले जनाएको छ । योसँगै भारतमा सक्रिय कोरोना संक्रमितको घटिरहेको छ । हाल भारतमा कुल सक्रिय संक्रमितको संख्या १५ लाख ३३ हजार ९२१ रहेको छ ।
हालसम्म कोरोना संक्रमणबाट कूल ४ लाख ९८ हजार ९८३ जनाको मृत्यु भएको स्वास्थ्य मन्त्रालयले जानकारी दिएको छ ।
FACEBOOK COMMENTS