सदनमा युवापुस्ता पुग्नुपर्छ : अभिनेता दीपकराज गिरी

काठमाडौं । निर्माता तथा अभिनेता दीपकराज गिरीले भविष्यमा राजनीतिमा आउनु परे फिल्म क्षेत्र नै छाडेर लाग्ने बताएका छन् ।

आइतबार काठमाडौं क्षेत्र नम्बर ९ को दहचोक खहरे केन्द्रबाट मतदान गरेपछि उनले आफूले राजनीतिक र सामाजिक मुद्दामा बोलिरहेको बताए । तर अहिले भने आफू अर्धमौन अवस्थामा रहेको दीपकले बताए ।

 

‘राजनीतिक विषयमा बोलिरहेको छु, अहिले अर्धमौन छु । सदनमा युवापुस्ता पुग्नुपर्छ भन्ने मेरो मान्यता हो,’ दीपकले भने । उनले आफू कुनै एक व्यक्तिको पक्षमा भन्दा पनि परिवर्तनकारी विचार समूहलाई समर्थन गर्ने बताए ।