इजी डेन्टलले सुरू गर्‍याे दन्त सेवा, १५ दिनको छुटसहित यस्ता छन् सुविधाहरू

काठमाडौं । इजी डेन्टलले चाबहिलको महाङ्कालबाट आफ्नो सेवा शुभारम्भ गरेको छ ।

‘दन्त क्षेत्रमा ३० वर्षको अनुभवसहित तपाइँको मुस्कानको साथी’ नारासहित शनिबारदेखि सेवा शुभारम्भ गरेको हो ।

तीस वर्षको अनुभव, दक्ष चिकित्सक र अत्याधुनिक प्रविधि समावेश गरी सञ्चालनमा आएको इजी डेन्टलले सेवा आरम्भ गरेको अवसरमा १५ दिनका लागि विशेष छुटको व्यवस्था समेत गरेको जानकारी दिएको छ ।

‘इजी डेन्टलमा सामान्य दन्त चिकित्सा, बाल दन्त चिकित्सा, अर्थोडोन्टिक्स अर्थात् बाङ्गोटिङ्गो दाँत मिलाउने सेवा उपलब्ध छ,’ इजी डेन्टलका प्रमुख अजयकुमार रेग्मीले भने, ‘साथै, सौन्दर्यिक दन्त चिकित्सा र दाँत निकाल्ने तथा दाँत मुखसम्बन्धी सर्जरी सेवा समेत इजी डेन्टलमा उपलब्ध छ ।’

उनका अनुसार चाहबिल महाङ्कालस्थित खानेपानी ट्याङ्कीको ठिक अगाडि रहेको इजी डेन्टल बिहान ९ बजेदेखि साँझ ७ बजेसम्म शनिबार समेत सेवारत रहने छ । इजी डेन्टलले दाँतका विशेष सेवाहरू पेरियोडोन्टिक्स, एन्डोडोन्टिक्स र प्रोस्थोडोन्टिक्स समेत उपलब्ध गराएको प्रमुख रेग्मीले बताए ।

इजी डेन्टलले सेवा आरम्भ गरेको अवसरमा निःशुक्ल ओपीडी तथा परामर्श सेवा निःशुल्क गरिरहेको छ । यसैगरी, १५ दिनका लागि दाँत सफा गर्ने र जरादेखि दाँतको उपचार आरसीटी पनि निःशुल्क भइरहेको बताइएको छ ।

इजी डेन्टलमा नवीनतम सुविधाहरू, आधुनिक उपचार कक्ष, नवीनतम उपचार प्रविधि, गुणस्तरीय स्टेरिलाइजेसन प्रोटोकलहरू, आरामदायक प्रतीक्षा कक्ष, बिरामीको सुविधाका लागि लिफ्ट र प्रशस्त पार्किङ क्षेत्र रहेको संस्थाले जानकारी दिएको छ ।