पत्रकार गीता अधिकारी पुरस्कृत

हेटौँडा । पत्रकार गीता अधिकारीलाई सम्मान तथा पुरस्कृत गरिएको छ ।

चलचित्र पत्रकार संघ नेपाल मकवानपुर शाखाले चलचित्र पत्रकारिता दिवसको अवसर पारेर हिजो बिहीबार आयोजना गरेको विशेष समारोहबीच नगद राशीसहित ‘नन्दबहादुर महर्जन स्मृति राष्ट्रिय चलचित्र पत्रकारिता पुरस्कार–२०८१’ प्रदान गरिएको हो ।

चलचित्र निर्माता एवम् वितरक नरेन्द्र महर्जनले आफ्नो बुबाको नाममा सो पुरस्कार स्थापना गरेका हुन् ।

दुई दशकदेखि चलचित्र पत्रकारितामा सक्रिय अधिकारी संघको पूर्वकेन्द्रीय उपाध्यक्ष हुन् । गीतकार समेत रहेकी अधिकारीको हालै ‘मैले पढेका ५१ पुस्तक’ कृति पनि पाठकमाझ आएको छ ।

मिलाप फाउण्डेशनकी अध्यक्ष समेत रहेकी अधिकारी मिलाप राष्ट्रिय दैनिकको कार्यकारी सम्पादक र हिमालय टाइम्स राष्ट्रिय दैनिकमा कार्यरत छिन् ।