तिहार लगत्तै भारतीय प्रधानमन्त्री नरेन्द्र मोदी नेपाल भ्रमणमा आउदै

विगतमा भइरहेको परम्परालाई तोड्दै भारतीय प्रधानमन्त्री नरेन्द्र मोदी नेपाल भ्रमणमा आएपछि मात्रै प्रधानमन्त्री शेरबहादुर देउवा भारत जाने भएका छन्।

जलवायु परिवर्तनसम्बन्धी संयुक्त राष्ट्रसंघीय संरचना महासन्धिको पक्ष राष्ट्रको २६ औँ सम्मेलन (कोप-२६) मा सहभागी हुन गएका प्रधानमन्त्री देउवा र मोदीबीच मंगलबार भएको भेटवार्तामा यस्तो समझदारी बनेको हो।

परराष्ट्र मन्त्रालय उच्च स्रोतका अनुसार मंगलबार बिहान कोप-२६ सम्मेलनस्थल ग्लास्गोमा भएको साइड लाइन वार्ताका क्रममा मोदी तिहार लगत्तै नेपाल भ्रमणमा आउने समझदारी बनेको हो।